太太的日子暫時告一段落

過左兩個月全職太太/媽媽兩個月

係黎緊既星期一就會暫時告一段落

因為我星期一會番工去

其實係呢兩個月期間無咩工見

而星期一番既呢一份

唔係我理想的工作

因為放工時間係6:30

對一個有小朋友的媽媽黎講

夜晚會無左好多時間

但同毛叔傾過後

都係覺得有份工, 有穩定收入會好d

雖然無太大經濟壓力

但我既性格都係鐘意靠自己

可能係賤骨頭啦

都係覺得自己搵錢先己洗, 感覺好好多

毛叔比既錢我洗得唔係幾自在囉

黎緊星期一番工, 無咩期望架

一路做一路睇下有無其他機會囉

真係無其他機會既話, 就睇做落ok唔ok啦

如果對家庭有太大影響, 到時先再諗啦

其實有d唔捨得太太的生活架

難得一個人自自由由係屋企

想做咩就做, 唔想做就hea係到

絕對係一個難得的機會

所以我每日都好珍惜的

相信我番番工之後會掛住呢兩個月的日子架

唔知新公司會係點

希望唔會有太多騎呢人啦

等我番左工之後再同大家八工作既情況丫



兩個月了

不經不過已無做野兩個月了

呢兩個月時間過得超快

所以仲未開始覺得悶

其實一日既生活都唔係話完全無野做架

去下GYM, 執下屋, 一日好快就過

如果出去見下工既話, 閒閒地都2-3個鐘

咁就無左半日架啦

有時又約下朋友一齊hea lunch

日子就係咁不經不過咁過左啦

係呢兩個月我諗我地一家三口都係開心的

我開心係因為有休息機會

毛仔開心係因為有個全職阿媽

可以多d時間放係佢到

毛叔開心係因為有人執下屋, 仲有係晚晚都有晚餐食

唔似以前番工, 晚餐是是但但就算

如果就咁就做全職主婦得唔得?

呢樣真係答唔到

暫時仲未覺得悶

但長時間係咁會唔會悶呢?

以我性格睇, 長時間做同一樣野應該會覺得悶架

特別係做家務呢d咁重複, 又無成就感既野

而且就咁無左生產能力

靠毛叔去養, 我唔想囉

雖然毛叔係依家既情況係有能力擔起頭家

但世事點變無人知

我仲有能力番工既話, 點解唔做呢?

所以如果有公司請, 以我既性格應該會番番工的

不過幾時番? 唔知架? 睇下幾時有工囉

仲未有工時, 咪繼續享受依家既悠閒生活

因為一個唔該可能會好快結束架

所以要好好enjoy ^_^



搵工記

係做太太既同時

我都有一路搵工

SO FAR唔係咁理想

去見AGENT多過去INTERVIEW

正如毛叔講, 搵工呢樣野急唔黎

見其中一間AGENT時, 佢話我份CV太長

一般HR只會花6 秒去睇一份

CV最好係1頁, 好似我呢D做左咁耐野既, 頂多2頁

FONTS用9號就得架啦

呀!  唔怪得我之前SENT既無反應啦

因為我份CV成6頁咁長, 應該好多HR無睇晒就放棄!!

自從跟AGENT意見改左之後

係多左FEEDBACK架

上星期二經另一間AGENT去1ST IN.

見到個HR MANAGER, 成個"靚妹"咁

我仲有MANAGEER格個佢

我呢D做左咁耐野既人, 仲做過係負責IN人

人地一, 兩條問題, 一兩個表情我已FEEL到佢LIKE唔LIKE我

今次真係超真係把鬼

等左10分鐘, 傾左都係10分鐘到

個HR比我既感覺係, 佢無興趣IN我

唔想見我早講丫, 唔好浪費我時間嘛

佢連HEA我既問題都無問

番到屋企同毛叔講

毛叔話可能個MANAGER覺得有威脅

因為我經驗肯定多過個HR

而且一聽就知唔同LEVEL

肯定HEAD唔住我架啦

所以HR唔會考慮我, 咪好快咁BYE BYE囉

去IN當然無話一定要請我

但做得HR, 點都扮下野丫

明知唔LIKE呢條友, 都唔好比人FEEL到嘛

不過算啦, 反正份工唔係荀野

3個ADMIN要SERVE 120人

應該都好難做架啦

唔LIKE我應該係幫左我架 ^_^



太太的生活

出黎做左野咁耐

之前轉工都係搵到工先辭職

一般都係隔一個星期或者10日到就番新工

今次係第一次比人裁出黎

無份新工係手, 感覺好唔實在

問心, 係有擔心的

因為唔知幾時先搵到新工

所以情緒有時都係較負面

但好彩我有個超正面既老公毛叔

當我擔心唔知幾時搵到新工

又唔知會唔會搵得番, 又或者從此要做師奶時

佢就安慰我, 話就算搵唔到工

都唔係師奶, 應該係太太 ^_^

仲叫我唔好心急, 慢慢搵工, 因為都急唔黎既

未搵到工時就享受下太太既生活

比佢感染下, 我都少左好多擔心

亦開始試下我仲未試過的太太生活+全職媽媽

試左一個月到, 我太太既生活係點?

如果無約會, 我會隔日去做GYM

每次做一個至一個半鐘

日子有功下, 我條車呔細左

BYE BYE肉都FIRM左少少

體重差少少就去到我最瘦時既磅數

做完運動梳洗完就差唔多LUNCH TIME

食完LUNCH呢上網搵工, 寄下求職信咁啦

4點就開始準備晚餐

等毛叔同毛仔番屋企既空檔就上下網

又或者睇下電視

到佢兩個番到後, 就睇毛仔做功課

然後就煮飯啦

無工作既日子係煮多左晚餐

見毛仔同毛叔食得好ENJOY, 都幾有滿足感架

如果唔去做GYM既日子呢

就係屋企瞓晏D

先上網搵工, 然後開始做家務

唔會一次過做晒所有家務

睇心情搵一兩樣做下

例如攪廚房清潔

又或者吸塵拖地咁

又或者清潔客廳

總之有MOOD先做, 唔會迫自己的

做完家務就去街市或超市入下貨

有時又約下朋友, 出下街食下LONG LUNCH咁

有時毛叔唔係香港, 就帶毛仔番放學

日子都幾充實架, 無想像中咁悶

所以個幾月落黎都仲未覺得悶

耐左會唔會悶?  真係要到時先知

希望唔使太耐就搵到工啦!



是福是禍?!

比人裁左出黎之後

公司同事仲KEEP住搵我

間唔中UPDATE下我公司既近況

可能佢地想搵人呻下啦

又可能佢地覺得我得閒聽佢地講

因為租約出年1月就完

公司要搵地方搬

其實我未比裁時都已知搬既可能好大

因為業主會勁加租

公司咁無錢, 無可能留係原址

當時都同同事吹水, 極有可能搬去工廠區

同事話阿星人比左個BUDGET只係3萬一個月

你地話3萬可以搬得去邊丫

聽佢地講會搬去九龍灣!!

如果我仲係呢間公司做

搬去九龍灣既話, 我日日港鐵要轉3條線, 坐15個站先到

仲要係MTR行20分鐘先位坐大廈

當時已經講搬去九龍灣既話, 我會唔撈囉

點知我真係阿星人肚入面條蟲

知佢D CHEAP人諗咩野

最新消息係, 阿星人想搬去九龍灣都無用

因為英國唔同意簽2年生1年死租約

咁即係英國應該有PLAN B

唔想簽兩年約, 極有可能唔想玩落去

所以話是福是禍真係睇你點睇囉

比人裁睇落係禍

但唔裁我, 真係搬去九龍灣都唔係福

如果英國真係決定唔玩, 咁到時對個個同事黎講都係禍

所以做人唔需要執著既

凡事放鬆D, 做人先會開心架嘛 ^_^

 

 

 



不經不覺.............

不經不覺已無寫BLOG一個月

呢個月我經歷左人生第一次

就係比公司裁左出黎!!

仲要係好快通知, 做多一個星期就唔使再番工

但好彩既係佢地有賠突比我, 拎左少少錢離開

其實呢間公司近半年既生意都唔好

好多個月賺埋都唔夠開支

都知道有危機架啦

加上阿星人黎左之後, 佢同我無咩接觸

有時工作上同佢又溝通唔到

FEEL到比阿星人擺埋一邊

係英國放完假番公司之後公司又無生意無咩野做

成日都游游閒咁, 感覺非常奄厭

所以比阿星人CALL去酒店開會已有不祥之兆

阿星人同英國大佬一見到我就開門見山

FINE, 見招拆招, 反正都無選擇

要炒都無辦法, 又唔係我做野唔掂

只係公司無錢, 要摺埋成個ADMIN

加上我咁既人工, 佢地行呢部我都好理解

有咁既經歷當然係唔開心

但呢D野無得自己揀, 咪面對現實囉

呢份工無得打, 再搵過第二份打

好彩屋企有毛叔撐住

唔係靠我份人工開飯

所以毛叔叫我唔使心急

一路搵一路ENJOY我既TIME OFF ^_^

我係搵工期間會勤D 寫BLOG架啦

你地得閒KEEP住黎睇啦!



2013年英國探親之旅 - 自家種水果之溫室水果

毛爺兩公婆

佢地種野係分開地方的

毛爺係屋企外種

毛麻呢就係屋企既花園

花園入面有個溫室

係毛麻既種野專區

由佢一手一腳打理的

 

呢D大大個吊係到既

係溫室MELON

我唔知係咩品種

就咁睇就似蜜瓜

但因為未熟無得食

真係唔食過唔知係咩瓜黎喎

 

 

 

 

 

你地又知唔知呢D係咩黎呢?

係香港好少見到佢既真身的

我識呢種水果既真係

都係去左英國先學到架

開估啦, 呢D係無花果

我諗你地大多數都係見過乾既

熟左既係夏天尾同秋天都會見到超市有

未熟就係綠色

熟左會變深紅色

有食過係超市買既

你地應該知道價錢架啦

今次好似係第一次見毛麻種無花果

可惜又係未熟無得試啦! 

呢D唔使我講都知係咩啦

不過你地唔好以為係青提

毛爺話係紅提子黎架

見到青BB就知又係未熟啦



 

毛麻既溫室雖然唔係話好大

但都種左幾多野下

水果只係其中種既一部份

係溫室入面仲有種其他野的

等我慢慢再同大家講